Blers ch'han in tschaler da protecziun en chasa dovran quel sco chombra da hardumbel. Els fan dentant er part dal concept da protecziun civila. Però quai duai sa midar. En Svizra duain tschalers da protecziun pitschens cun damain che set plazzas vegnir prendids ord funcziun. Quai mussan retschertgas da SRF. Quellas sa basan sin in concept da segirezza anc betg publitgà da l'Uffizi federal per la protecziun civila. Tenor SRF pertutgia quai var 100'000 chasadas en tut la Svizra.
Per motivs da vegliadetgna stuessan ils tschalers vegnids renovads. Quai na stettia però betg en ina relaziuns cun ils custs ed il diever, haja num en il concept. Plinavant saja difficil dad utilisar tschalers da protecziun pitschens en cas urgents. Tar pli gronds cun passa 25 plazzas saja quai pli simpel.
Pass per pass
L'aboliziun da quests tschalers pitschens en chasas dad ina famiglia duai succeder pass per pass. Persunas pertutgadas survegnan plazzas avisadas en implants pli gronds. Las autoritads stoppian er guardar ch'i dat avunda plazzas en ils auters tschalers existents. Tut tenor stoppian per exempel indrizs da la protecziun civila vegnir transfurmads en tschalers da protecziun.
Adattà al tema
