Il concern da chemia speziala svizzer Clariant stritga var 1’000 plazzas da lavur ils proxims 2 onns. Sco l’interpresa ha communitgà, vegn in terz da quellas plazzas stritgà cun vender parts da l’interpresa. Sin l'entir mund ha il concern actualmain radund 17'000 impiegads.
Cun ses program d’effizienza vul Clariant spargnar 50 milliuns francs fin la fin da l’onn che vegn. Il concern da chemia speziala sa chatta entamez ina fasa da restructuraziun. Dapi bundant in onn venda Clariant differents secturs da l’interpresa. En l’avegnir vul il concern sa concentrar sin la fatschenta principala.