La svieuta dal concern da farma Roche è creschì il 2019 per 8% sin 61,5 milliardas francs. Responsabel per quest bun resultat è surtut la sparta da farma, nua che la svieuta è creschida per 10% sin 48,5 milliardas francs – e quai surtut grazia als pli novs medicaments da Roche.
Il gudogn da concern ha Roche pudì augmentar per 32% sin 14,1 milliardas francs. Raschun per quest marcant augment èn tenor Roche il ferm resultat operativ sco er che las sminuiziuns da valur sin indrizs immaterials èn stadas pli pitschnas – cumpareglià cun il 2018.
Als acziunaris propona Roche per il 2019 ina dividenda a 9 francs per aczia. Il 2018 ha quella anc muntà ad 8,70 francs.
audio
Roche steigert den Gewinn
ord HeuteMorgen dals 30.01.2020.
laschar ir. Durada: 1 minuta 33 Secundas.
RTR novitads 09:00