Siglir tar il cuntegn

Header

cuntegn

Concern farmaceutic Roche Sperta diagnosa dal nov coronavirus

L'autoritad da sanadad americana ha dà ina lubientscha d'urgenza per il Cobas SARS test da Roche che porta la cumprova d'ina infecziun dal coronavirus. Uschia saja il test da survegnir sin tut ils martgads ch'acceptan la designaziun CE, communitgescha Roche. Il test dat la pussaivladad ad ospitals e labors da testar er grondas quantitads d'emprovas sin il virus. Tenor la communicaziun dettia il test resultat aifer 3 uras e mesa.

Dapli tests aifer curt temp

Quai è era l'aspect ch'è tenor il schef da la sparta diagnostica, Thomas Schinecker, fitg impurtant.

Cun il nov test pudain nus testar bler dapli pazients aifer pli curt temp.
Autur: Thomas Schineckerschef da la sparta diagnostica Roche

E quai saja fitg impurtant, perquai ch'ins possia lura anc pli spert separar pazients ch'èn infectads da pazients ch'èn sauns. In pass fitg impurtant, per ch'il viurs na sa derasa betg uschè spert. Era puncto producziun è Roche preparà cun producir dapli las davosas emnas. Ils instruments vegnan producids en Svizra, ils tests en ils Stadis Unids.

RTR novitads 08:00

Artitgels legids il pli savens

Scrollar a sanestra Scrollar a dretga