Commembers da l'uniun sindicala internaziunala IndustrieALL Global Union èn sa drizzads cun in scriver da protests a consulats ed ambassadas svizras en 5 pajais. Tranter quels er ils Stadis Unids, il Canada e l'Australia.
Ils sindicats pretendan ch'il concern da materia prima svizzer Glencore vegnia fatg responsabel per sias violaziuns cunter ils dretgs umans.
Violaziun dals dretgs umans duai vegnir chastiada
Ils sindicats fan explicitamain allusiun a l'iniziativa dal pievel en Svizra. Questa era vegnida lantschada l'avrigl dad in'allianza da 66 organisaziuns per dretgs umans. Ils iniziants pretendan che concerns globals cun sedia en Svizra ston esser suttamess a reglas stringentas sch’i va per renconuscher ils dretgs umans.
RR novitads 17:00