Il Cussegl federal ed il parlament duain uschè spert sco pussaivel introducir ina lescha per concerns responsabels, quai pretenda in comité da politicras e politichers burgais. Questa lescha duaja correspunder a las novas directivas che l’UE ha approvà da curt. Là duaja esser pussaivel da far responsabel concerns davant dretgiras europeicas sch'els profiteschian da violaziuns dals dretgs umans en lur chadainas da furniziun u sch'els na respectian betg tscherts standards da l'ambient.
Il 2020 aveva l’iniziativa per concerns responsabels fatg naufragi a l’urna pervi da la maioritad dals chantuns.
