Siglir tar il cuntegn

Header

Navigaziun

cuntegn

Concerns responsabels Cussegl naziunal insista sin cuntraproposta a l'iniziativa

Interpresas svizras duain esser responsablas per violaziuns dals dretgs umans e per donns d’ambient da lur interpresas affiliadas en l’exteriur.

Passa tschintg uras ha la Chombra gronda debattà, quai a moda fitg engaschada. Plirs oraturs han numnà exempels da situaziuns insupportablas chaschunadas dad interpresas cun sez en Svizra. Gist cunter talas vul l’iniziativa dal pievel per concerns responsabels agir.

La fin è il Cussegl naziunal sa decidì cun 109 cunter 69 vuschs e 7 abstenziuns da mantegnair sia cuntraproposta indirecta che prenda si ils puncts centrals da l’iniziativa, restrenscha las mesiras dentant sin interpresas pli grondas e talas che han in ristg spezial grond.

Ussa tracta anc ina giada il Cussegl dals chantuns la cuntraproposta. Il mars aveva el decidì cun 22 cunter 20 vuschs da betg entrar en materia.

RR actualitad 17:00