Siglir tar il cuntegn

Header

cuntegn

Svizra Concerts da benefizi per mintga nota quinta

Sut il motto mintga nota quinta han oz lieu trais concerts da benefizi a Friburg.

Passa 30'000 francs èn vegnids rimnads cun ils concerts da benefizi en il club da musica Fri-Son a Friburg. La finamira dals concerts era da rimnar raps en connex cun l'acziun da donnaziun dad SRF, RTS ed RSI «Jeder Rappen zählt». Pegasus, Züri West e Phanee de Pool èn stads sin tribuna.

Scolaziun e furmaziun sco via

Quest onn rimnan els ensemen cun la chadaina da fortuna daners per la scolaziun e furmaziun dad uffants e giuvenils en Svizra ed en l'exteriur. Tenor l'ONU na van 264 milliuns uffants betg a scola. Ina scolaziun è dentant impurtanta per in futur cun perspectivas e per la via or da la povradad.

En Svizra vegnan sustegnids projects per giuvenils che vivan sut grevas circumstanzas, per migrants ch'èn da nov en Svizra e per dunnas giuvnas che sa chattan en ina greva situaziun – per exempel pervia d'ina gravidanza bauda. En l'exteriur vegnan sustegnids projects d'agid da partenaris da la chadaina da fortuna. Ils daners duain sustegnair uffants che na san pervia da catastrofas da la natira, conflicts u povradad betg visitar la scola.

Artitgels legids il pli savens