Midada a la testa dal concern da tecnologia ABB: Il cussegl d’administraziun ha elegì Björn Rosengren unanimamain sco nov schef dal concern. Il Svedais da 60 onns surpiglia l’uffizi a partir dal mars da l’auter onn. Quai ha communitgà il concern svizzer.
Rosengren succeda uschia ad Ulrich Spiesshofer ch’era sa retratg surprendentamain avant in pèr mais.
Ad interim maina Peter Voser, il president dal cussegl d’administraziun, las fatschentas.
RR novitads 06:00