Senza numnar nums ha la cumissiun da concurrenza Weko annunzià ch'ella intercureschia in cas da maldiever da patentas. La Novartis ha sin quai annunzià che la Weko haja contactà ella. Represchentants da la Weko sajan perquai vegnids al domicil da l'interpresa a Basilea. La Weko lavura ensemen cun la cumissiun europeica da concurrenza.
L'examinaziun duai mussar sche la Novartis ha fatg maldiever da lur posiziun dominanta sin il martgà. I va per in patent per in medicament cunter malsognas da la pel. I possia esser in patent da sbarrar. In tal patent vegn duvrà per betg laschar duvrar la concurrenza in medicament ch'ins na dovra sez betg. Novartis ha gì pliras afferas en il passà ch'han custà la firma milliardas.