«Conduct Lumnezia» enavos tar la regenza

La regenza dal chantun Grischun sto sa fatschentar anc ina giada cun l'extensiun da las ovras idraulicas en Val Lumnezia. Il tribunal federal ha approvà parzialmain in plant da quatter organisaziuns da l'ambient.

Il tetg dal tribunal federal cun bandiera svizra. Bild in Lightbox öffnen.

Legenda da maletgs: Il tribunal federal ha decidì - il project «Conduct Lumnezia» va enavos tar la regenza grischuna per ina nova evaluaziun. Keystone

Sursiglir cuntegn supplementar

«Conduct Lumnezia»

Cun quest project da concessiun vulan las ovras da Zervreila tschiffar dapli aua. Concretamain sa tractia da tschiffar l’aua da tschintg ulteriurs auals entadim la Lumnezia e da manar quell'aua entras ina galaria da 13 kilometers en il lai da regulaziun a Zervreila.

Tenor ils derschaders a Losanna sto il nov giudicament er resguardar la cumpatibilitad cun l'ambient dals implants existents da las Ovras electricas Zervreila en Lumnezia e Val Son Pieder. Cunzunt saja da considerar l'aua restanta.

«Tribunal federal metta ferm segn per auas intactas»

Sut quest titel han communitgà il WWF, la Pro Natura e la Federaziun chantunala dals pestgaders grischuns KFVGR lur plaschair da la decisiun clera dal tribunal federal en chaussa Conduct Lumnezia.

Il tribunal haja intunà, ch’igl saja impurtant da considerar tut la situaziun da l’aua restanta dal Glogn per pudair mantegnair las ognas protegidas.

En pli scrivan las organisaziuns ch’il tribunal haja era ditg cleramain che trais da las ognas pertutgadas hajan da vegnir integradas en l’inventari da protecziun federal.

RR novitads 17:00