Confederaziun - 14 milliardas francs per l'agricultura
Per l'agricultura svizra dat la Confederaziun or ils proxims quatter onns radund 14 milliardas francs. Suenter il Cussegl naziunal ha er il Cussegl dals chantuns da glisch verda per las contribuziuns correspundentas.
En total vegn dà or circa tuttina blers daners sco enfin qua. Perquai ch'i dat dentant tendenzialmain adina damain manaschis purils s'augmenta la contribuziun per manaschi. Ils daners vegnian pajads enfin il 2025. La gronda part dals daners èn pajaments directs.
Oriundamain vuleva il Cussegl federal colliar ils pajaments cun ina nova orientaziun da la politica agrara, l'agricultura dueva daventar pli persistenta, questa colliaziun ha il parlament dentant abolì.
