Confederaziun duai spargnar, dentant betg tar ils purs

In'allianza da PCD, PBD e PPS sa dosta cunter las scursanaziuns planisadas tar ils daners per l'agricultura. Aifer 4 onns vul la Confederaziun spargnar 750 milliuns francs tar l'agricultura en vista a la situaziun economica pauc empermettenta.

purs che demonstreschan, transparents Bild in Lightbox öffnen.

Legenda da maletgs: Gia il november 2015 han purs demonstrà a Berna cunter ils plans da spargn. Keystone

Per la PCD, PBD e la PPS n'èn quels respargns betg giustifitgads. Ils purs gudognian gia pli pauc che autras branschas na sajan betg responsabels per l'augment da las expensas da la Confederaziun.

PLD e partidas sanestras sustegnan ils plans da respargn

Per la PLD èsi cler: Per spargnar ston tuts sa participar. L'agricultura na duaja betg esser in'excepziun. Da quest avis en era las partidas sanestras. Potenzial da spargnar vesan la PS ed ils verdliberals cunzunt tar ina categoria da pajaments directs, las uschènumnadas contribuziuns per la segirtad dal provediment. Quels promovian ina surproducziun, uschia la critica.

Resistenza vehementa da vart dals purs

L'uniun purila svizra ha renfatschà pliras giadas a la Confederaziun da betg tegnair il pled. L'incumbensa definida dals purs restia aifer quels 4 onns la medema ed uschia stoppia er il sustegn finanzial restar tuttina.

Er chantuns sustegnan ils purs

Il chantun Grischun ha avertì che las scursanaziuns planisadas hajan consequenzas economicas per l'entir chantun. Tenor la regenza bernaisa perecliteschian ils plans da spargn la crediblitad e la persistenza da la politica agrara.

RR novitads 11:00