Cun quai ha la Confederaziun scursanì ils pajaments directs a 16% dals manaschis, rapporta la «SonntagsZeitung». Il Departament d'economia ha confermà las cifras da l'Uffizi federal d'agricultura a l'Agentura da novitads Svizra. Tenor quellas ha la Confederaziun pajà l'onn 2017 radund 2,8 milliardas a passa 45'000 manaschis.
L'Uffizi federal d'agricultura na tschiffa betg la grevezza dals surpassament. El ha dentant constatà ch'i giaja tar mintga segund cas per il bainstar u per la protecziun d'animals.
100 francs per mancanzas pitschnas
Als 7'145 manaschis èn vegnids stritgads en tut 7,9 milliuns francs. En cas pli levs – per exempel sch'in pur n'ha betg emplenì cumpletamain documents – vegnan scursanids 100 fin 200 francs. Sch'i na vegn dentant betg ademplì in program cumplet, po l'entir pajament vegnir pretendì enavos.
L'Uniun purila ed protecturs d'animals valiteschan a moda differenta las cifras. Fertant che l'Uniun purila va da quai ora ch'i sa tractia per il pli da bagatellas, supponan la Fundaziun per l'animal en il dretg ch'i dettia er surpassaments gravants.
RR novitads 11:00