Leuthard ha reagì sin in artitgel en la «Basler Zeitung». Lezza aveva cità ord in document da strategia che l'ovra atomara da Mühleberg duaja vegnir cumpigliada en ina societad da salvament e surdada a la Confederaziun.
Davos ils gestiunaris da las ovras atomaras stettian ils chantuns e quels na possian gea strusch ir concurs ha Leuthard ditg envers la «Tagesschau». Schebain in'ovra vegnia prendida da la rait u betg, stoppian perquai ils gestiunaris decider.
Fin per ovra da Mühleberg
Il december 2019 duai vegnir serrada definitivamain l'ovra atomara da Mühleberg. En vista als pretschs d'electricitad cuntinuadamain bass na rendia betg pli da renovar e modernisar l'ovra, aveva la BKW, l'ovra electrica bernaisa communitgà.
RR novitads 6:00