Siglir tar il cuntegn

Header

cuntegn

Svizra Confederaziun spargna 635 milliuns francs

La Confederaziun spargna en il preventiv da l'auter onn 635 milliuns francs. Il Cussegl naziunal ha purifitgà las ultimas differenzas. Ina da questas era che la AVS na quinta betg pli cun 2% tschains ils daivets che l'assicuranza d'invaliditad ha tar ella, mabain cun 1%.

Uschia vegnan spargnads bun 132 milliuns francs.

Era part dal pachet fa la decisiun dal parlament da betg spargnar tar las expensas tar l'agricultura. Il Cussegl federal vuleva là anc spargnar 57 milliuns. Uschia resta l'agricultura en il preventiv cun radund 3,5 milliardas francs.

Era purifitgà ha il cussegl naziunal las differenzas tar la gulivaziun da finanzas federala. Las contribuziuns dals chantuns donaturs vegnan sbassadas per 67 milliuns francs. La Confederaziun sbassa sia contribuziun per 98 milliuns francs en la gulivaziun da finanzas federala per ils 2016 fin ils 2019.

RR novitads 10:00

Artitgels legids il pli savens