Siglir tar il cuntegn

Header

cuntegn

Svizra Conferenza d'intermediaziun per cumpromiss tar budget 2016

Il parlament ha suenter 3 rundas betg chattà ina soluziun, co cumpensar las expensas supplementaras per l'agricultura. La conferenza d'intermediaziun ha ussa da chattar in cumpromiss.

La dumonda dispittaivla è, schebain finanziar las expensas supplementaras per l'agricultura sur tut ils departaments, ubain betg. Il Cussegl dals chantuns aveva refusà questa varianta il. Il Cussegl naziunal ha mardi percunter decidì en favur da questa varianta.

Conferenza d'intermediaziun sto chattar soluziun

Il budget 2016 vegn ussa discutà mesemna en ina sesida communabla da 13 commembers da las cumissiun da finanzas da las duas chombras parlamentaras. Quels vegnan alura a tschertgar in cumpromiss.

Cas da differenza: il preventiv pli bass

La proposta da la conferenza d'intermediaziun vegn lura mesemna en il Cussegl dals chantuns e gievgia en il Cussegl naziunal. Sche ina da las chombras refusescha la proposta, lura vala il preventiv decidì en la 3. runda - e da quests il preventiv che prevesa las summas pli bassas.

RR novitads 12:00

Artitgels legids il pli savens