Perquai prevesan ils uvestgs da laschar far ina retschertga independenta e scientifica. Quella duai tractar abus sexuals - tar persunas ch'eran en relaziuns da dependenza cun spirituals dapi l'onn 1950. Il studi saja en spezial per las unfrendas d'abus da l'integritad sexuala da tut gener, scriva la conferenza.
Ir vid tematicas sensiblas
Sper l'avegnir ha la conferenza er discutà tematicas difficilas dal preschent sco er dal passà da la Baselgia catolica en Svizra. Per exempel scriva la conferenza ch'il suicidi assistì na dastgia betg daventar in servetsch normal e socialmain renconuschì. Tuttina valia d'accumpagnar ils umans che patteschan cun carezia e misericordia.
RTR novitads 14:00