L'uffizi federal da sanadad è preoccuppà pervia da la dimensiun da la 5avla unda da corona. Il mument circuleschia il virus surtut tar la generaziun giuvna. Concret tar persunas tranter 10 e 19 onns. In quart dals letgs en ils ospitals saja occupà cun pazienta e pazients da corona. Questa 5avla unda stoppia perquai vegnir franada.
Nus stuain dumagnar da rumper la 5avla unda avant ch'ina nova varianta da virus vegn en Svizra.
video
Lévy: «Franar derasaziun da Omicron en Svizra»
Or da News-Clip dals 29.11.2021.
laschar ir. Durada: 20 Secundas.
Tenor la scheffa dal BAG, Anne Levy, èsi d'evitar che la varianta Delta circuleschia il medem mument sco la nova varianta Omicron. Perquai stettian il mument plirs pajais sin la glista da quarantina. Quella vegnia actualisada permanentamain. Impurtant saja uss er da vaccinar uffants a partir da 6 onns e da laschar dar la terza dosa.