Siglir tar il cuntegn

Header

cuntegn

Conferenza da reconstrucziun Cassis: «Desister da la conferenza fiss in signal terribel»

La conferenza per la reconstrucziun da l'Ucraina saja impurtanta e fetschia senn, ha ditg il minister da l'exteriur Ignazio Cassis. La «Ucraine Recovery Conference» ch'ha lieu en duas emnas a Lugano saja la contribuziun svizra per la stabilitad da l'Europa ed il mund.

Cassis ha, ensemen cun la regenza tessinaisa, preschentà a Bellinzona intgins puncts centrals da la conferenza. Uschia duai dar ina «Decleraziun da Lugano», cun ils pli impurtants resultats da l'inscunter che cuzza dus dis. Tenor Cassis na fissi betg realistic da vulair reglar gia en detagl la reconstrucziun dal pajais, ins possia dentant definir prioritads, metodas e princips.

audio
Adrian Camartin: «La conferenza da Lugano è ina schanza»
ord Actualitad dals 20.06.2022.
laschar ir. Durada: 6 minutas 39 Secundas.

Desister da la conferenza perquai che la guerra n'è anc betg a fin, fiss in terribel signal envers ils Ucranais e las Ucranaisas – sco sch'ins na cartess betg pli vid l'existenza da l'Ucraina. Avert restia vinavant sch'il president ucranais Wolodimir Selenski vegn a Lugano ils 4 e 5 da fanadur. Er tgi che vegnia dals stadis dal vest n'è anc betg cler. Per Ignazio Cassis na portian talas speculaziuns dentant nagut, duas emnas avant l'inscunter.

Sco adina tar tals inscunters, ston ins restar flexibel fin a paucas uras avant l'inscunter, per pudair resguardar annunzias il davos mument.
Autur: Ignazio Cassis Minister da l'exteriur

La Confederaziun surpiglia 80% dals custs da la conferenza. En pli vegnian ad esser en funcziun 1'600 schuldada svizra.

RTR novitads 14:00

Artitgels legids il pli savens

Scrollar a sanestra Scrollar a dretga