Siglir tar il cuntegn

Header

cuntegn

Conjunctura La Credit Suisse curregia engiu sia prognosa

Ils economs da la banca gronda quintan ch'il product naziunal brut sa reduceschia quest onn per 3,5%.

Fin uss han els quintà cun in minus dad 1%. En l'analisa da la CS hai num ch'ins spetgia che l'economia cumenzia a sa revegnir uschespert che las mesiras per cumbatter il coronavirus vegnan schluccadas. En las branschas ch'èn orientadas a l'exteriur sco per exempel il turissem, duria dentant pli ditg enfin ch'ellas sajan sa restabilidas.

Las consequenzas da la crisa sa mussian ussa pli e pli fitg en las statisticas, constatteschan ils experts. Il mars pudessan las svieutas en il turissem tenor els esser crudadas per part fin a 90%. Tranter auter pervi da la fin anticipada da la stagiun d'enviern u lura er perquai che la Svizra ha serrà ils cunfins.

Economia Chinaisa patescha anc pli fitg

Pervi da la pandemia da corona è l'economia chinaisa sa diminuida per l'emprima giada dapi decennis. Tenor l'uffizi da statistica è il product naziunal brut sa reducì l'emprim quartal per 6,8%. Igl è l'emprima valur negativa dapi il 1992 cura che la China ha cumenzà a publitgar las cifras. L'onn passà è l'economia chinaisa anc creschida per passa 6%.

RTR, novitads 09:00

Artitgels legids il pli savens

Ir a sanester Ir a dretg