Conjunctura sa sclerescha durant favrer

L'economia svizra survegn puspè schlantsch. Sco quai che l'institut da perscrutaziun da la conjunctura KOF ha communitgà, saja il barometer da conjunctura creschì il favrer sur la media da plirs onns.

Il lavurer derscha metal liquid en in vasch. Bild in Lightbox öffnen.

Legenda da maletgs: Aifer l’industria elavuranta sa mussa tenor il KOF in svilup favuraivel per ils champs da metal e chemia. Keystone

Gia il schaner era in svilup positiv sa mussà. L’augment da la conjunctura per 2,0 puncts sin 102,4 saja cunzunt in resultat dal svilup positiv da l'industria che producescha ed elavurescha rauba en fabricas u implants.

Situaziun resta difficila per tscherts champs

Il resultat saja cunzunt remartgabel, perquai ch’ils indicaturs internaziunals per las destinaziuns d’export da las fatschentas svizras mussavan plitost in svilup negativ.

Ultra da quai ha er il sectur da finanzas contribuì al svilup positiv. Las perspectivas per il consum privat n’èn quasi betg sa midadas. En la branscha da construcziun èsi dentant da far quint che la dinamica va enavos. Per la branscha da construcziun da maschinas e per l’industria da palpiri vegnia la situaziun a restar difficila.

Il barometer da conjunctura è in indicatur tempriv per il svilup economic.

RR novitads 09:00