Tenor in rapport da la Controlla federala da finanzas haja la marscha da gudogn per mantegniment e reparaturas da jets da cumbat e helicopters muntà fin a 14,6% – fixà avevan ins maximal 8%. Suenter che medias avevan rapportà da pretschs bler memia auts, ha il concern preschentà las cifras.
Davart il rapport da la Controlla federala da finanzas è la Ruag surstada. L'interpresa renviescha a la cunvegna dal 2001 cun la Confederaziun. Quella regleschia er las relaziuns commerzialas tranter ils dus acturs. La Ruag survegn mintg'onn da l'armada incumbensas per enturn 200 milliuns francs.
RR novitads 15:00
