Tenor ina retschertga per incumbensa da l'organisaziun d'omosexuals - Pink Cross èn 7 da 10 abitants persuenter che pèrs omosexuals duain er dastgar maridar.
Cumpareglià cun l'onn passà è il consentiment cunquai restà stabil.
Las dunnas sustegnan in zic pli savens la lètg omosexuala ch'ils umens. Tar las partidas tanscha il consentiment da 59% tar la partida populara fin 94% tar ils Verds.
Per l'enquista ha l'institut da perscrutaziun GFS dumandà passa 1000 persunas.
