Siglir tar il cuntegn

Header

purtret d'in um che guarda sin in visur.
Legenda: Keystone
cuntegn

Consequenza da la pandemia Dapi la pandemia è consum da pornografia d'uffants s'augmentà

Cura che tuttas persunas èn sesidas durant ils mais dal lockdown dapli a chasa, è er creschì il consum da material da pronografia d'uffants. Ma il cumbat encunter l'abus d'uffants vegnia negligì da las autoritads, quai scriva la gasetta «NZZ am Sonntag».

Dapi il lockdown è creschida la dumonda suenter videos e maletgs cun pornografia d'uffants. Europol discurra d'in augment da 30%. Tenor l'Uffizi federal da polizia Fedpol haja dà en Svizra in augment tranter il mars ed il matg, scriva la NZZ am Sonntag.

La persecuziun da delinquents giaja pe zop. Las autoritads hajan manchentà dapi onns la tematica e sajan lunsch davent dals delinquents, hai num ord circuls d'investigaders. Quai conferma er in rapport intern da la Fedpol. Il fenomen da la criminalitad pedosexuala na vegnia betg renconuschì en sia dimensiun da tut ils posts involvids, hai num.

RTR novitads 07:00

Artitgels legids il pli savens

Scrollar a sanestra Scrollar a dretga