L'onn passà ha la populaziun svizra prestà marcantamain pli paucas uras da lavur. L'onn 2020 ch'è stà signà da la pandemia, èn vegnidas prestadas en Svizra 7,6 milliardas uras da lavur. Quai è in minus da 3,7% envers il 2019 e pli pauc ch'il 2015, communitgescha l'Uffizi federal da statistica. In regress uschè grond da las uras da lavur n'hai anc mai dà dapi il 1991 cura che l'uffizi ha cumenzà cun questa statistica.
Extraordinari auta è la reducziun en la gastronomia cun minus 29%. La segund gronda sminuziun cun bunamain 14% deriva da la sparta art, divertiment e chasadas privatas.
Dapli absenzas
Las consequenzas da la pandemia èn er da vesair vi dal dumber d'uras d'absenza. Quel è bunamain sa dublegià da 368 millliuns uras sin 946 milliuns uras,cumpareglià cun il 2019. La pli impurtanta raschun per quest augment è tenor l'Uffizi federal da statistica, la lavur curta (38,8%), sin plaz dus suondan absenzas pervi da malsogna u accident (31,1%).
