Il constructur d’ascensurs e da stgalas rullantas Schindler ha sentì ferm la crisa da corona. En consequenza veglia il concern svizzer stritgar 2'000 plazzas da lavur en l’entir mund ed uschia optimar ils custs. Fin «10% da las plazzas» – pia 200 – pudessan esser en Svizra. Quai ha ditg il schef da la firma envers l'agentura da novitads Keystone-SDA.
Cumpareglià cun la medema perioda da l’onn passà sajan las entradas d’incumbensas sa reducidas per 12% sin 5,3 milliardas francs. La svieuta saja sa reducida per bunamain 9% sin 5 milliardas francs – uschia Schindler.
audio
Per tadlar: Las novitads da las 11.00
ord RTR Audio dals 24.07.2020.
Maletg: RTR
laschar ir. Durada: 3 minutas 30 Secundas.
