La Swiss patescha vinavant da la pandemia da corona. Ella ha fatg l'onn passà ina perdita da 428 milliuns francs. Quai ha communitgà la societad aviatica. Cun quai è la perdita dentant radund in terz pli pitschna che l'onn da pandemia 2020.
L'onn passà ha la Swiss gì ina svieuta totala da 2,1 milliardas francs. Quai è 14% dapli che l'onn avant. La societad avitatica ha il 2021 era transportà cun 6 milliuns passagiers in quart dapli persunas che l'onn precedent.
La Swiss haja pudì profitar surtut da dapli purschidas durant la stad, ed era dal fatg che la dumonda per transports da rauba saja vinavant uschè gronda.
audio
Per tadlar: Las novitads da las 09:00
ord RTR Audio dals 03.03.2022.
laschar ir. Durada: 3 minutas 1 Secunda.