Il 2021 ha il producent svizzer vendì 152 eroplans, tants sco anc mai. Er la svieuta è s'augmentada per prest 20% sin 1,33 milliardas francs. Il resultat da gestiun è s'augmentà per bun 35% sin 210 milliuns francs.
Sco l'interpresa communitgescha, saja era la prognosa per il 2022 buna. Ins haja in bun dumber d'empustaziuns. Pilatus producescha per l'ina eroplans da trenament per armadas, sco il model «PC-21», per l'autra da quels per sgols da fatschenta, sco il «PC-24».
Il producent d'aviuns a Stans haja dentant er gì da cumbatter cun interrupziuns en la chadaina da furniziun e stretgas tar il provediment. Malgrà l'effizienza sbassada ed ils custs creschids valitescha Markus Bucher, CEO da Pilatus, positiv la prestaziun. Cun gronda flexibilitad saja vegnì realisà in resultat fitg bun.