L’onn passà han las autoritads approvà pli paucs permiss da construir abitaziuns a fit en Svizra: Il dumber è sa reducì per 7% durant il 2018. Quai mida dentant nagut vid il fatg ch'anc adina bleras abitaziuns a fit en vidas e quella situaziun pudess en il futur anc sa pegiurar. Quai mussa in’analisa da la banca chantunala da Turitg.
Guntgir da las citads sin la periferia
Cunzunt en las citads da Turitg, Basilea e Genevra saja vegnì pli grev da bajegiar novas abitaziuns. Perquai han investurs cumenzà da guntgir en la periferia. Totalmain quinta la ZKB cun ina sminuziun da la construcziun d'abitaziuns a fit da 53'900 il davos onn sin 52'600 l'onn 2019 e sin 50'400 abitaziuns il 2020.
Plinavant mussa l’analisa ch'il problem d’abitaziuns vidas pudess anc sa pegiurar ils proxims onns. E quai spezialmain en la periferia. Bajegià vegn oravant tut en regiuns nua ch'i ha gia bleras abitaziuns vidas.
RR novitads 10:00