Tgi che fa cumpras a l'exteriur per passa 300 francs sto pajar la taglia sin la plivalur per la rauba che vegn importada. En l'avegnir duai quai però gia esser il cas tar ina summa da 150 francs. La Confederaziun vul smesar la limita.
Cunquai n'èn però betg tuts d'accord, sco la consultaziun mussa. La Partida socialdemocratica e la protecziun da consuments refusan il plan. Pertge uschia vegnian chastiadas las consumentas ed ils consuments. Il commerzi en detagl e l'uniun tetgala da l'economia Economiesuisse persuenter vulan anc sbassar pli fitg la limita.
La Partida liberaldemocratica, la Partida populara e la Partida verda sustegnan la midada. In sboz davart quella è stà en consultaziun enfin venderdi. Pretendì la midada aveva Il parlament, il Cussegl federal aveva renvià quella. La taglia duai en il futur vegnir rimnada a moda digitala, cun ina applicaziun.