Siglir tar il cuntegn

Header

cuntegn

Svizra Consum da medicaments crescha

En Svizra consumescha mintga segunda persuna sur 15 onns almain ina giada l'emna medicaments, quai mussa la retschertga da sanadad da la Confederaziun dal 2017.

Cumpareglià cun ils onns avant è il consum da medicaments cunquai creschì marcant. Il 1992 consumavan anc 38% da las persunas sur 15 onns ina giada per emna almain in medicament. Il pli savens sa tracti da medicaments cunter il mal ni tals cunter malsognas dal cor u da la pressiun dal sang.

Pli veglias persunas consumeschan dapli medicaments che pli giuvnas. Passa 80% da las persunas ch'èn sur 75 prendan mintg'emna in u plirs medicaments. Tuttina inditgeschan 85% dals Svizzers e las Svizras da sa sentir saun – malgrà ch'in terz è pertutgà da malsognas cronicas.

RR novitads 12:00

Artitgels legids il pli savens