Siglir tar il cuntegn

Svizra Consum privat influenza positivamain la conjunctura

Tenor il barometer da conjunctura dal KOF da l’ETH sa sviluppescha l’economia svizra a moda robusta. Spezialmain las branschas construcziun e finanzas mussan indizis da creschament.

Persunas cun tastgas da cumpras.
Legenda: Consum privat ha effect positiv sin l'economia. Keystone

L'economia svizra sa sviluppeschia a moda robusta, en spezial en las branschas construcziun e finanzas dettia indizis sin creschament. In stausch per il trend positiv vegnia era dal consum privat. Quai resumescha il KOF da l’ETH Turitg tenor communicaziun en ses barometer da conjunctura.

Il barometer è creschì il mars per 0,7 puncts sin 107,6. Cun quai è confermà il creschament dal favrer. Per la segunda giada en roda stettia il barometer cleramain sur la media a lunga vista e signaliseschia uschia ina creschientscha economica surproporziunala.

Il barometer da conjunctura dal KOF è in indicatur tempriv per il svilup da l’economia svizra. El sa cumpona da 238 indicaturs singuls.

RR novitads 11:00