Consuments pli pessimistics

Il mais zercladur han ils consuments en la Svizra giuditgà la situaziun economica marcantamain pli negativa che l'avrigl. Tenor il secretariat da stadi per l'economia SECO quintan ils consuments dumandads cun dapli dischoccupaziun ed ina conjunctura pli nauscha.

center da cumpra, vid ina cassa, ina famiglia è vid pajair Bild in Lightbox öffnen.

Legenda da maletgs: Ils consuments en Svizra èn marcantamain pli pessimistics. Keystone

Era lur situaziun finanziala futura stiman ils consuments pli schletta ch'anc l'avrigl. Medemamain quintan ils consuments dumands ch'els han durant ils proxims 12 mais pli paucas pussaivladads da spargnar.

En tut è l’index dal clima da consum sa sminuì da minus 6 puncts sin uss minus 19 puncts. L'avrigl eran las stimaziuns (suenter l'aboliziun dal curs minimal), en cumpregliaziun cun il schaner anc stabilas.

Malgrà l'atmosfera pli pessimistca giuditgeschan ils consuments vinavant sco favuraivel il mument per far investiziuns pli grondas.

RR novitads 09:00