Siglir tar il cuntegn

Header

cuntegn

«Contact-Tracing» Svizras e Svizzers èn pronts d'installar in'app

Ina gronda part da la populaziun svizra fiss pronta d'installar voluntariamain in'applicaziun sin il telefonin per identifitgar la via d'ina infecziun.

Bun dus terzs da las persunas dumandadas èn prontas d'installar ina «contact-tracing-app». Quai mussa la retschertga che l'institut Sotomo ha fatg per incumbensa da la SRG SSR.

Grafica davart la app
Legenda: Fissas Vus pront d'installar voluntariamain ina app sin il telefonin che registrescha inscunters cun autra glieud? L'applicaziun funcziuna senza dar vinavant datas. RTR Grafica

I dovra tuttina anc lavur da persvasiun, scrivan ils perscrutaders en lur rapport: Mo perquai che blers din GEA a la dumonda, na munta quai anc betg ch'els installeschan lura era propi questa app. Surtut perquai che 40% din «GEA» – dentant 25% be «plitost GEA».

Talas apps giogan ina rolla centrala per pudair mussar la via da las infecziuns dal coronavirus e per pudair isolar persunas malsaunas. Impurtant è dentant ch'ina gronda part da la populaziun è pronta da sa participar voluntariamain ed installar in'app sin il telefonin.

RTR novitads 17:00

Artitgels legids il pli savens

Scrollar a sanestra Scrollar a dretga