L'onn passà aveva il Cussegl federal scursanì ils contingents. La gronda part dals chantuns e dals partenaris socials avessan gugent puspè augmentà quests. Il Cussegl federal è dentant da l'avis che gliez cuntrafetschia a la finamira da trair a niz uschè bain sco pussaivel las forzas da lavur indigenas.
Perquai dastgan firmas svizras era en l'avegnir recrutar maximalmain 6'500 spezialistas e spezialists da l'exteriur. Da questas èn 2'500 lubientschas da dimora B (da prolungar mintg'onn) e 4'000 lubientschas da dimiora curta L (maximalmain 1 onn).
RR novitads 15:00