Siglir tar il cuntegn
cuntegn

Svizra Contract collectiv da consctrucziun sut tetg

Suenter ils sindicats han uss er ils delegads da la Societad svizra dals impressaris constructurs approvà il contract collectiv naziunal da lavur. Quel vala per quatter onns e garantescha, tranter auter, la renta a partir da 60 onns.

Purtret da lavurers sin via.
Legenda: Suenter protestas da millis da lavurers han ils sindicats ed ils delegads da la Societad svizra dals impressaris uss approvà il nov contract collectiv. Keystone

Il nov contract collectiv vala a partir da l'entschatta 2019. Suenter protestas da millis da lavurers en l'entira Svizra è vegnida fixada ils 3 da december mesiras per garantir la pensiun cun 60 onns. Quai n'è dentant betg il sulet punct. Ils patruns pajan a partir dal 2019 dapli contribuziuns e las pajas creschan. Quai per 80 francs il mais per ils proxims 2 onns.

RR novitads 17:00