Quai saja sa mussà suenter discurs dad SRF cun il manader dals discurs svizzer, Roberto Balzaretti. Quel n'ha betg vulì pigliar posiziun il glindesdi saira. Ina pledadra da la cumissiun da l'Uniun europeica ha però communitgà ch'ils discurs sajan s'avanzads, ins n'haja dentant chattà anc nagina schliaziun. Uss stoppia la cumissiun da l'UE decider co cuntinuar. Anc uss n'èsi betg cler sche las tractativas cuntinueschan u sch'ellas vegnan interruttas.
Termin enfin mez october
La cumissiun da l'UE aveva dà a la Svizra temp fin mez october per las contractivas davart la cunvegna da basa. Berna dementescha dentant ch'els sajan vegnids infurmads uffizialmain davart quest termin.
Ils discurs cun l'UE davart ina cunvegna da basa cuzzan gia dapi il 2014.
RR novitads 06:00