«Identitas» è ina fatschenta che tutga per gronda part a la Confederaziun. Ella è responsabla per la banca da datas d'animals. Cun quella banca da datas pon ins per exempel mirar danunder ch'ina bestga vegn. Las marcas melnas che vatgas, chauras u portgs portan vi da las ureglias vegnan da «Identitas».
En in rapport crititgescha la controlla federala da finanzas la mancanza d'infurmaziuns tar il sistem da «Identitas». Vinavant vesian els conflicts d'interess e ristgs en connex cun ina filiala.
«Identitas» ageschia sin il martgà sco societad d'acziunaris privata cun tut sias libertads – uschia la critica. Sco interpresa da la Confederaziun saja quella però obligada da resguardar ils interess dal possessur. La Confederaziun stoppia controllar e pretender quai.
RR novitads 10:00