Dapi oz vegnan ils avieuls en Svizra puspè controllads sin parasits. La Confederaziun ha danovamain lantschà in program da surveglianza per evitar ch'i vegn importà il bau pitschen da masainas, per tudestg «Kleiner Beutenkäfer».
Tenor l'Uffizi federal per la segirezza da victualias fetschian surtut apiculturas ed apiculturs recrutads spezialmain controllas punctualas da lur populaziuns, quai aifer l'entira Svizra e fin l'october.
Il program da surveglianza era vegnì lantschà il 2015 suenter ch'il bau parasit era vegnì chattà en l'Italia. En Svizra n'è quel fin ussa anc betg arrivà.