Siglir tar il cuntegn

Svizra Controllar las prestaziuns da sanadad

L'associaziun da las cassas da malsauns Santésuisse vul examinar las prestaziuns dal sectur da sanadad. Surtut en las partiziuns ambulantas d'ospitals sajan ils custs creschids marcantamain ils ultims 10 onns; quai cun in plus 66%.

Cartas da cassas sa malsauns.
Legenda: Santésuisse scriva che las premias da cassas da malsauns sajan per 130% pli autas che l'onn 1996. Keystone

En il temp tranter 2005 e 2014 èn ils custs da sanadad per il tractament ambulant uschia creschids per 253 francs per assicurà. In zic pli pauc munta l’augment tar ils medis domiciliads. E per dimoras staziunaras en ospitals hai dà in augment da 20%.

Cun pli auts custs da sanadad creschian er las premias, e quellas sajan il spievel dals custs da sanadad, scriva Santésuisse in di avant che l'Uffizi federal per la sanadad annunzia las premias da las cassas da malsauns per l'onn che vegn.

RR novitads 16:00