La Suva tira ina bilantscha positiva davart sias controllas per mesiras da protecziun encunter Covid-19. Dapi la fin da mars hajan ins controllà passa 19'000 interpresas. En be 1% dals cas, total 62 giadas, haja la Suva serrà temporarmain manaschis.
Patruns han reagì svelt
Tut ils manaschs che la Suva ha serrà, ha ella dentant serrà gist l'entschatta da la pandemia, l'avrigl e matg 2020. Suenter las emprimas malsegirezzas, hajan patrunas e patruns reagì svelt ed i n'ha dà suenter naginas serradas pli causa corona.
Intensivà controllas suenter la stad
Tuttina ha la Suva intensivà las controllas suenter la stad. Abstrahà dals mais avrigl e matg han els fatg las pli bleras controllas il november e december 2020. Il pli intensiv è vegnì controllà en il chantun Turitg, Vad e Berna.
Ord l'archiv
video
Tests da massa en Engiadina
Or da Telesguard dals 04.12.2020.
laschar ir. Durada: 1 minuta 45 Secundas.
