Il traffic en il territori alpin duai daventar neutral al clima enfin il 2050. Otg pajais da la convenziun da las alps han elavurà communablamain in plan d'acziun.
Part dal plan fan sper la Svizra: l'Austria, la Germania, la Frantscha, l'Italia, la Slovenia, Liechtenstein e Monaco. Il plan d'acziun da la gruppa che sa numna «Allianza dal Simplon» è ch'il traffic entras las alps daventa pli favuraivel al clima.
Dapli trens ed autos electrics
Concretamain duai per exempel dar in abunament per il traffic public che vala en l'entira regiun da las alps, dapli staziuns per chargiar autos electrics. Il transport da tren duai vegnir extendì per martganzia e passagiers.
La cunvegna na entra betg anc en vigur pertge che la suttascripziun da l'Italia manca anc pervi dal midament da la regenza. L'Italia vess da suttascriver in dals proxims dis.
La cunvegna n'è dentatn betg in'obligaziun giuridica, ma ina decleraziun d'intenziun.
