Coop surpiglia a partir da l'onn proxim las stizuns da la gruppa Aperto. Quai ha il detaglist communitgà. Davart il pretsch da cumpra na fa Coop naginas indicaziuns.
Las stizuns dad Aperto tutgavan enfin uss a la Hofer Holding e la Villars Holding. Coop vul surpigliar questas, surtut er pervi da las butias a las staziuns da viafier. Ils shops als tancadis perencunter surpiglia la Oel-Pool SA davent dal 2017. Questa societad maina er ils tancadis sez.
