Il detaglist Coop po surpigliar las 40 filialas da Jumbo. La cumissiun da concurrenza WEKO haja dà glisch verda a la surpigliada da la chadaina da martgà da construcziun che tutga fin uss a Manor. Quai rapporta la «NZZ am Sonntag».
Davart il pretsch da cumpra na dettia naginas indicaziuns uffizialas. Er saja anc avert sche plazzas da lavur vegnian stritgadas, filialas serradas u sch’il num «Jumbo» restia insumma vinavant. Suenter la decisiun da la WEKO, vegnian ussa elavurads ils detagls. La fin dal mais vul Coop lura communitgar dapli.