Coop e Migros reduceschan diever da satgs da plastic per 5 raps

Tar Coop e Migros desistan clients per gronda part sin satgs da plastic, dapi che quests custan 5 raps.

rauba en satg da plastic Bild in Lightbox öffnen.

Legenda da maletgs: Dapi ch'ils satgs da plastic custan, dovran pli e pli paucs clients in tal. Keystone

Coop e Migros han stritgà ils satgs da plastic gratuits. Sch'ins vul tuttina tals, lura èsi da pajar 5 raps. Sco quai che Coop e Migros communitgeschan saja quai lur contribuziun a la protecziun da l'ambient.

Clientella reagescha

Tar Coop è la taxa sin ils satgs da plastic vegnida introducida l'emna passada en 10 filialas a Turitg. Sco in pledader ha ditg, saja il dumber dals satgs da plastic vendids sa reducì per 80%.

Tar la Migros custan ils satgs da plastic a partir dad oz en l'entira Svizra. Er quà sajan las emprimas reacziuns da la clientella positivas, hai gì num.

RR novitads 17:00