Coop e Migros han stritgà ils satgs da plastic gratuits. Sch'ins vul tuttina tals, lura èsi da pajar 5 raps. Sco quai che Coop e Migros communitgeschan saja quai lur contribuziun a la protecziun da l'ambient.
Clientella reagescha
Tar Coop è la taxa sin ils satgs da plastic vegnida introducida l'emna passada en 10 filialas a Turitg. Sco in pledader ha ditg, saja il dumber dals satgs da plastic vendids sa reducì per 80%.
Tar la Migros custan ils satgs da plastic a partir dad oz en l'entira Svizra. Er quà sajan las emprimas reacziuns da la clientella positivas, hai gì num.
RR novitads 17:00