I sa tractia dal Manchego da «Qualité et Prix» en pacs da 200 grams che saja problematic, ha annunzià Coop. Il chaschiel haja listerias. En vendita n’è il chaschiel betg pli, clients pon returnar quel e survegnan enavos ils daners.
Il medem chaschiel hajan era ulteriurs detaglists en vendita, dentant cun in auter num, ha aschuntà Coop. Pertutgads en chaschiels Manchego cun la data minimala per conservar dals 5 da november, dals 7 da november e dals 11 da december.
Listerias pon manar a sintoms da grippa sco fevra, mal il chau u malesser. Dunnas en speranza e persunas cun in sistem d’immunitad flaivlentà che sentan quests sintoms duain immediat ir tar il medi.
RR novitads 15:00