Sch'i giaja per princips fundamentals sco libertad, democrazia u il dretg da decider sez stoppia la Svizra sa reunir pli stretg cun pajais che pensan tuttina. Ed ins na dastgia betg che la Russia violeschia uschè massiv e brutal il dretg internaziunal. Quai ha Viola Amherd, scheffa dal Departamen federal da defensiun, ditg a chaschun d'ina conferenza da medias suenter sia visita da tschintg dis en ils Stadis Unids.
Tar quel èsi tranter auter er ì per la cumpra dals jets da cumbat F-35. La viceministra da defensiun Kathleen Hicks ha accentuà ch'ils Stadis Unids veglian stustegnair la vendita dals jets da cumbat a la Svizra. Quels na gidian betg mo a la Svizra, mabain augmentian er la collavuraziun cun auters partenaris europeics ed ils Stadis Unids.
