Siglir tar il cuntegn

Header

cuntegn

Svizra Cooperaziun Svizra – Iran tar universitads

La Scola politecnica federala da Losanna EPFL è sa cunvegnida cun duas universitads iranaisas da collavurar. Las cunvegnas èn vegnidas suttascrittas a chaschun da la visita dal president da la Confederaziun Johann Schneider-Ammann a Teheran.

Las duas universitads sajan las meglras universitads iranaisas sin ils champs medischina ed inschigneria, ha communitgà la EPFL. L’emprim vulan las scolas autas lantschar projects da perscrutaziun communabels, per pli tard saja planisà da barattar students e perscrutaders.

Il model da success svizzer

Il segund di da sia visita en l’Iran ha cusseglier federal Johann Schneider-Ammann l’emprim inscuntrà il president dal parlament iranais Ali Larijni. Silsuenter ha el preschentà a students e studentas da l’universitad da Teheran il model da success svizzer. El ha accentuà l’impurtanza da bunas cundiziuns da rom per l’economia privata, e plinavant la controlla da corrupziun.

RR Novitads 09:00

Artitgels legids il pli savens