En il rom da la radunanza da delegads dals 2 da zercladur 2016 a Berna ha il Forum Helveticum, il link avra en ina nova fanestraavrir en il browser elegì Corina Casanova sco presidenta.
Corina Casanova, l'emprima dunna a la testa dal FH, surpiglia l'atun 2016 il post da Roy Oppenheim ch'è president dapi il 2007. Sut Oppenheim haja il FH survegnì il 2012 ina nov'orientaziun strategica orientada vers l'avegnir, communitgescha il Forum Helveticum.
Persuna per ina Svizra pluralistica
Corina Casanova è naschida il 1956 a Glion e creschida si en Surselva ed en l'Engiadina.
Ella è stada engaschada sco delegada dal Comité internaziunal da la Crusch Cotschna en l'Africa ed en l'America Latina. A partir dal 1992 ha ella lavurà per l'administraziun federala, l'emprim per ils Servetschs dal parlament e pli tard per il Departament federal d'affars exteriurs e sco vicechanceliera da la Chanzlia federala.
Corina Casanova discurria sis linguas e persunifitgeschia uschia ina Svizra pluralistica ed averta, scriva il FH. Durant ch'ella ha lavurà tar la Confederaziun è ella s'engaschada fermamain per la plurilinguitad.
RR novitads 08:00
Il FH è vegnì fundà il 1968 sco lieu d'inscunter e da dialog. Il center da cumpetenza per la chapientscha linguistica e culturala s'engascha per differentas dumondas en ils secturs societad, politica, economia e cultura. 30 organisaziuns politicas, culturalas, confessiunalas, economicas e d'utilitad publica èn oz commembras da l'uniun.